笑

初相識的朋友都覺得我很嚴肅和高傲﹝職業錯覺？﹞，熟朋友又話我輕挑無尼正經，【變臉嗎！】其實生活迫人，好多時唔駛咁認真，搞吓笑，有好多益處：人哋覺得你友善啲，身体健康啲，做野快啲，細路仔鍾意你多啲。還有，笑可打破僵局，解除敵視；常掛笑臉的女仔多人追，常講笑的醫生多人睇，開じ輕鬆嗎！
都喺怨亞媽生我個面口木獨，所以咪時時睇星爺﹝審死官，唐伯虎點秋香最搞野﹞和Mr. Bean﹝如女王密令﹞嘅戲，希望多啲笑容，多番啲生意。Stand Up Comedy 和笑話亦喺我愛好，不過大部份嘅笑話都離唔開屎屎尿尿同咸咸濕濕。樂而不淫，風趣又雋永的就少之又少！
不過經常笑有一個嚴重後果，女人不可不防。我有個靚女客人有好多魚尾紋，真唔明白佢點解常常笑？為慶祝我呢個Blog已突破200 click rate，臨瞓送個笑話，失眠唔好賴我：
有個 friend唔知喺咪得罪咗老豆，改咗個名叫「安芬」，可惜她姓杜。但我唔敢問佢個英文名喺咪"Lucy"。