好狗

貓是貓，狗是狗，若養狗搞到條狗「狗唔似狗」，連狗都會抑鬱，變成死狗，主人則「好狗」。曾見狗主把綿衣往愛犬身上套，戴上冷帽，還放牠在狗兒專用的嬰兒車上招搖過市，看似滑稽，實在嘔心。
我最愛的寵物是狗，當中最心儀警犬，威猛又忠心，身形又靚，最重要的這種狗最有「狗」樣。其次是大種牧羊狗，最討厭是那些似貓或ET的小狗，得把聲嘈生哂，真想一脚伸牠落坑渠。
小時家中曾飼養過無數寵物，因妹妹喜歡，說自己「有愛心」：
(1)養白免，摸摸肚抱一抱，抱死晒！
(2)養鴨花，縱管游水游得多趣緻，冬天一到冷死晒！
(3)連雞都養上半打，三兄妹各自為雞命名，過節落淚為保雞命，終於全喪阿媽菜刀下！
(4)在騎樓養龜喂牠魚腮魚腸，經濟化算，飽食後常玩失踪，一天重離家出走埋！
(5)養雀整天在叫，十足小兒一般，忍受不住把衪們全放生！
(6)養貓養到貓叫春，搞到很髒很煩，阿爸揾人奄了牠，超殘忍核突！
(7)住公屋300呎斗室，一家五囗養隻小狗，喂牠飲凍奶冲冷水浴，搞到肚瀉，最後掉左出街！
(8)阿媽連在街市買回來煲湯的鰂魚也給我們養幾日玩到殘，結果當然祭了五臟廟！

現因居住環境狹窄，忙碌到欠大家很多 blog ，自己都顧唔掂自己，只有暫時養住一小缸淡水魚。若將來有機會，我很渴望有一大缸七彩繽紛海水魚，有珊瑚海葵便更妙了。