剪剪剪

今日食晏毛 la la去左剪髮，人山人海，約左時間重要等，搞到只可食碗粉趕住三點開工，估唔到年尾個髮形師重好生意過我。

奉勸剪髮千祈唔好瞓，南柯夢醒，驚見鏡中人咁熟口面?!~~~~『乜冇左咁多頭毛』，真喺買少見少，救命阿！佢循例攞個鏡來問我滿意否，我也老是答一句：OK.....唔喺點噃，唔通嗱喳碎髮搏番上去咩，唉，過年點見人？一陣點開工？點同人食飯？嗚嗚.......嗚...........

事緣我入到去就話，個 look太悶，咁多年都喺左邊暗界冇滴水。又唔想翻版像伊麵或劉華，不如由師傅你揸主意，想點剪就點剪吧，似 25 歲就得架啦！結果，每次剪髮後面對最大嘅折磨嚟啦：同事、客仔、大厦食蕉、仔女、甚至菲僱都笑到碌地，有啲重叫我換過個髮形師！

剪個髮啫，又咄咄咄事啦..........鞋

髮可剪過，做錯了事就未必可彌補；失了的機會也不再，人生也不可以 take 2***********