運動

今日下午比人叫左去打 tennis，嘩，乜你哋幾個咁好波架，打到我氣咳，多謝冇打殘我，留番啲手手脚脚，重有塊見得人嘅面，連髮形都健在...........執到.......，下次記得預埋我。

其實中學時己好鍾意運動，不過冇啲同學咁叻，但喺樣樣都玩過o架，衰就衰在冇樣精，所以咪時時見我最後十分鐘搏盡果嗰樣都似頭似路。原來在櫃桶底揾番一個藍球金牌和一個長跑銀牌，唉，第時老左可以同個孫吹下水啦(如果長命的話)。除此以外，運動得最好喺把口，喺中六時唔覺意攞左全港辯論冠軍架！所以做唔到律師真是我嘅遺憾。

講番運動，最緊要喺恆切定期同量力而為，又開心，又可同啲 friends 傾下講吓，個人會覺得精神好多、 fit 好多。你哋覺得我喺咪比譚校長更有活力，好積極做人呢？如果我能早啲瞓，狀態會更好，來屆打算參選特首 tim......wakaka じ

千祈咪搞錯，我冇叫你死操難操練大隻扮筋肉人，或習舉重扮青蛙，或做校隊訓練至成身傷哂老年時要睇跌打，到時就................