好奇

尋日食晏喺黃埔附近蒲，最鍾意食飽周圍行吓，既可放鬆神經，又能休息眼肌。忽然被一陣幽香吸引，竟不期然入左两間極冇興趣生平極少入去買野嘅鋪頭。敢「嘗試新野」再次確定我心境已徹底換血！
第一間乃『濶 & 趴唇』，那些花果香味好獨特，成間鋪頭好 colourful，加上個靚女 sales 好熱誠咁介紹佢哋嘅貨品，成功地把我留住十分鐘。我最有興趣喺果啲香薰和精油，話聞吓就可精神爽利，X都X多幾隻喎！有 set 野幾得意，將啲幼木條插晒落個好靚嘅玻璃樽內，再灌入少許香油，香味吸收到木條裏然後揮發至全室香噴噴，無需火或電源。不過幾貴，側側膊話攞份單張就鬆人，遠遠遙望到那 sales 失望嘅眼神，唉，今日又 hurt 咗一個少女純潔嘅願望了！

話口未完，竟毛 la la 中咗入去『波啲 short 』，呢次重唔破財？？嘩，真喺想知道咩野人會咁有「閒情逸緻」買咁多唔等駛又貴嘅面廂、冲凉液、泡泡液、洗髮護髮水、皮膚水、鬚後水、手水、脚水、皂、總之香噴噴花碌碌萬七咁多款，香港人真喺........

突然一把温柔似水的微聲把我喚醒，心想梗喺又一個靚女向我 promote，冇所謂啦，咪幫吓人囉，睇佢哋鬼影都冇一隻，生意淡薄。吓，竟然喺一位年近六十嘅 auntie，乜咁黑仔，睇怕喺此連鎖店碩果僅存的鎮店之寶。

「呢個喺乜傢伙？」
「哦，用嚟刷走脚板嘅死皮。」
「幾曳鬼喎，好似磨薑刷咁刮刮吓？」
「不過要先買呢樽" foot soak "浸泡15分鐘，軟化死皮和硬皮才刮....」
「然後呢？」
「再買埋呢支foot polish徹底磨走壞死細胞.....」
「其實隻脚起左怎，都冇人知啦？洗乜咁煩？喺咪咁就OK啦？」
「啲怎會爆裂架，好疼架。若你有埋呢盒"deodorising foot powder lotion" 按摩隻脚，可舒緩疲倦和辟臭......」
「咁多年又唔覺痛喎。我冲乾淨涼，隻脚點會臭？我又有按摩椅，隻脚唔會攰嘅。」
「唏，鞋烚烚唔舒服吖嗎。最理想梗喺要有最後呢 Ngan "peppermint intensive foot rescue" 薄荷精華滋潤，咁先生你雙脚就滑劣劣喇！」
「男人老狗，對脚咁滑唔通去跳 table dance 咩，我寧願生多條頭髮足夠去飛番個磨菇裝重好啦！」心暗忖。

鞋，咁捉蟲嘅 products 同程序，話比埃塞俄比亞啲人知，笑死實冇命賠！