進修

我好鍾意呢種向日葵，不但鮮艷、帶着生機，而且有一種積極的感覺。似我。
今日9am-6pm 去逸東酒店上咗成日堂，6-8pm 返公司做埋幾個客。長假期後第一日開工，重OT添！去唔倒打羽毛球 :-(
好耐未試過咁攰，喺成個course裏面釣好多次魚，差啲連口水都流出嚟。呢啲黑媽媽嘅地方，真喺好想瞓。個老外 speaker 把聲催眠真惦，加上個 power-point presentation 裏面全喺淡色藝術字，需要好留神先至明白。好彩中途有两次 tea break 同 lunch buffet，否則點頂一日！

我其實好羨慕去外國讀書，可見識多啲。以前屋企冇錢，事業上咗軌道後又唔可以抽身，想將來不知有冇機會？喺香港讀 master 都冇時間，因我太多瓣數，又多興趣，又懶。
所以出嚟做野咁耐，一有好嘅 seminar/course/lecture/training (有関自己專業的)，就唔返半/一 日工去上堂，幾開心o架！雖然學費好貴，又開唔倒工，但科技一日千里，不進則退，一定不能落後。持續學習、終身學習幾乎每個行業都需要。

是呀，我做人喺好認真，是否缺點？？？？？？？？