一窩蜂

不嬲都唔鍾意去人迫嘈嘈閉嘅地方，偶然一次半次就無所謂。
偏偏香港有好多人就連倒瀉A都関佢事，喺都要去八吓，一窩蜂怕執輸，時時搞到樂極生悲，出動阿SIR黑車白車至收科！
今曰真喺頂唔順班友，嗰架A380有咩咁特別，剩喺比普通747大架啲啫，又唔喺啲未見過飛机嘅鄉下佬，洗乜攞埋長短火上埋山頂倒塔咁早去影相，個四眼仔仲話：都唔喺好嘈啫，影倒個机肚，冇乜特別WOW。
凡喺放煙花、舞火龍、飃色、出會、遊行示威、搶麭山、日蝕月蝕、十号風球、哈囉喂、激光雷射等等，睇一次乜都夠皮啦，唔好再預我，真喺前世未迫過呀。
話時話，啲熊貓真喺有乜咁好睇，隻隻都喺一撻黑一撻白，我仲未分出邊隻喺安安並佳佳，何况樂樂和盈盈？就好似當年啲老外水兵當個個中國女人喺蘇絲黃一樣。每次話去海洋公園睇熊貓就驚，唔喺驚隻貓，喺怕條龍喳！
你哋重記唔起得會展形形式式嘅展覽，好似書展、美食展、電玩展、招聘展啦，若你嫌命長可試試，隨時如願得償。尤記起有次派水晶麻雀，幾乎搞出人命；可惜啲人真喺樂此不疲，癲開有癮，每次都幾日前嚟瞓街霸頭位，真喺 simple & naive!
馬會每次派「紀念品」都搞到七國咁亂，最有趣喺嗰班儍佬最後五勞七傷，手執戰利品時露出小學生爭到玩具後的笑容。最搞野要算喺政府和派米主辦團體，合作藉每次呢啲變態慈善活動提供一個長者鐵人賽机會，實行玩謝啲老弱傷殘，比個塲佢哋鬥耐力，實行見紅掛彩才收手，反正啲阿婆阿伯仲聲聲多謝添。真喺人間悲劇。
嗱，未曾數到觀音開庫，黃大仙第一著香、車公廟上香、許願樹祈福， 新股認購，小一學校攞 FORM， 真喺執輸行頭惨過敗家，香港人呢樣己可入健力仕大全啦。唔知啲人有冇諗吓箇中意義?人有我有、不求甚解、不顧後果，相信我哋都唔想下一代喺咁夏話 !?
好彩架昂平360跌咗落嚟，否則果羣阿姑師奶又日日喺新聞報告中埋怨等幾耐架啦。
唔講唔記得，點解每次呢啲盛會，就像解放軍開放軍營、跳傘、金紫荊升旗、步操、買樓、抽簽等等，梗有一班人瑞捧塲，莫非香港啲老人中心唔夠，抑或活動太少太悶？？？？？？

但世事無絕對，往往當有一羣茂里同自己一齊癲，輪米即時變得過癮，行花市會好興奮，睇熊貓也很浪漫：這叫朋友。