審男 --- 現代篇

『色、戒』收個滿堂紅，從觀眾的訪問所得，很多人都是想睇吓劇中梁朝偉的八月十五及何B仔，翻睇嗰啲「影迷」多是首次睇時唔夠集中，miss 咗偉仔嘅重要部位 Wo！以眼神吸引之金馬影帝竟被「欣賞」至如斯層次，演技與氣質或許未夠 sale point。
那幾段床戲在王晶手上就比人彈 cheap，在李安包裝下便名正言順咁以藝術眼光看生殖器。廿一世紀審男的內容已不滿足只停留在肌肉、面孔上。看看每年「香港先生」選舉，男人己成為社會及一眾女仕評頭品足的對象，逐漸為『得』嘅男人寫下新的標準。




當『飛輪海』遇上『棒棒堂』：
機塲 fan 屎一幕簡直喺變態，那些姐兒把幾個帥哥渾身摸透，又抽水又咀，又搶隨身物品作紀念，呢班饑渴瘋狂之輩已羣體性、具意識地輪姦了那幾個青靚白淨的哥哥仔。叫囂着.......baby face的面頰.......舉手投足娘娘腔般.........男女角式幾時互調了？




地鐵中熟識的情境：耳戴着headphone/handfree ，音樂響得旁人也覺得煩；手中不停地按着NDS 或手機，好像打摩斯密碼，不為自己留一刻空間。
『永遠遲到、做野冇交帶、唔負責任、好似唔識講早晨/多謝/唔該、多數拿不定主意、頭髮每日都像龍珠，或遮去半邊臉、好多晨早就打呵欠，整天好似擔泥咁攰.................』現代港男是也。
聽過有個年青人竟要爸媽陪同往見工及大學面試，找的是薪高多假不很辛苦的工。Oh,my goodness!



從男人的角度看，我仍然喜歡周潤發、李修賢、苗僑偉。姊妹們，怎看？