玩命

除了宝药党亞婆、或攞啲積蓄去祈福、或以合體方法去僻邪、或五十歲 autie 着 low-deep-cut 衫+ 低腰超鬆衭外，重有一啲野連智者雄哥都諗唔通，希望各路高人/看官指點。

為何人鍾意『玩命』？

唉，九號風球重去游水，結果連幼稚園學生都估倒啦。舉凡有鯊魚旗高懸，一定有三两件人瑞喺銀綫灣「暢泳」。冬泳季節游出浮台遇溺的，大多數喺有心血管糖尿等病的「高手」。每次打風，電視台一定播那些滑浪犯難的「勇士」，彷彿咁至喺大丈夫。無懼強風大雨，出街逛逛、觀浪消遣、帶小孩拍照等「活動」嘅謬里可能想試試 claim 保險的滿足也未定。

以前去外國旅行，老婆都要我陪她玩一樣「刺激」活動，如直立過山車， space mountain，百勝灘激流、深海暢泳、水道激流環迴插插插，超大摩天輪等，我盡量都會自薦做 camera man，但澳洲一役也難逃熱氣球一関！唉，真喺嚇破胆，執番條命算家山有福。其實我只是小男人一個，睇吓瑩火蟲，坐吓迪迪尼環城小火車咪幾爽，何必揾條命去搏，貼$買難受！！！！！

果班儍佬玩埋啲笨豬跳、海盜船、垂直過山車、人肉洗衣機、跳樓機、快艇降落傘、大象按摩、滑翔飛行、出入鱷魚口等等，真喺「壽星公吊頸」，求剌激和挑戰？！ Oh,my goodness！每年都有這類死傷意外發生，很多是因為機械故障，也有因隱性心贜病之突發，動物本性之爆發等。

死有重於鴻毛，輕於泰山，回想英勇之消防員及四川地震的災民，慨嘆每個人對生命的尊重可以有這麽大的差異。

感謝上天給我生命氣息，在這一刻能存活。這是恩典，並非必然的，我要珍惜它。